A operación propón a integración das novas tecnoloxías e o desenvolvemento de sistemas de información no día a día da gobernanza municipal para conseguir a modernización do concello de Ribeira.
Ademais, tamén se prantexa a implantación dun modelo de “Smart Village” no municipio mediante a adopción de solucións tecnolóxicas que permitan ofrecer á cidadanía de Ribeira novos servizos públicos intelixentes.
Esta operación enmárcase na EDUSI Máis Ribeira Atlántica 2020 (MRA2020), financiada nun 80% polo Fondo Europeo de Desenvolvemento Rexional dentro do Programa Operativo de Crecemento Sostible (POCS) 2014-2020 (actualmente integrado no Programa Operativo Plurirrexional de España (POPE) FEDER 2014-2020). A Liña de Actuación deste plan, denominado LA12 “Modernización da Administración e Smart Village Ribeira”, adscríbese dentro do Obxectivo Temático 2 de “Mellora do uso e da calidade das tecnoloxías da información e da comunicación e do seu acceso”.
NECESIDADES
• Mellorar os servizos municipais para adaptalos ás necesidades actuais dos cidadáns, facilitando a realización telemática de diversos trámites administrativos.
• Corrixir a ausencia de sistemas intelixentes que permitan implantar o modelo “Smart Village” no concello de Ribeira e así poder ofrecer á cidadanía novos servizos públicos con maior valor engadido.
OBXECTIVOS
• Conseguir a modernización da Administración municipal, tanto na xestión interna como de cara ao cidadán.
• Ofrecer á cidadanía servizos públicos mellorados mediante a adopción de novas tecnoloxías e aliñados cos parámetros de eficiencia e sustentabilidade.
• Dotar á cidadanía e aos traballadores do concello de Ribeira de procedementos administrativos máis áxiles e eficientes.
• Ofrecer aos cidadáns novos servizos intelixentes dirixidos a mellorar a súa seguridade e benestar.
ACTUACIÓNS
Para cumprir estes obxectivos, prevese a posta en marcha das seguintes actuacións:
• Novo portal web do concello de Ribeira: conseguir unha Administración máis próxima e transparente á cidadanía a través dun novo portal municipal dinámico e vivo.
• Modernización da sede electrónica: mellora dos sistemas e das aplicacións informáticas empregadas polo persoal municipal para prestar os seus servizos á cidadanía.
• Sinalización dixital: instalación de seis pantallas de gran formato para ofrecer á cidadanía información relevante sobre diferentes asuntos municipais.
• Sistema de emisión de eventos de todo tipo: gravación e emisión de eventos, mediante un sistema de cámaras e de elementos sonoros fixos instalados no pavillón municipal da Fieiteira e no campo de fútbol anexo á Fieiteira.
• Solucións para mellorar a seguridade viaria nos pasos de peóns en toda a zona urbana de Santa Uxía de Ribeira.
• Renovación da infraestrutura de telecomunicacións da casa do concello: rede de cableado, instalación de cargadores para dispositivos móbiles situados nos soportais da casa do concello e adecuación do Centro de Proceso de Datos (CPD).
RESULTADOS
Con esta operación espérase acadar os seguintes resultados:
• Reducir a fenda dixital existente entre o mundo rural e o urbano e favorecer a adaptación do concello de Ribeira á transformación dixital.
• Mellorar a relación entre a Administración pública e a cidadanía.
• Contribuír á dinamización social e económica do municipio a través de novos servizos intelixentes coa posta en marcha da “Smart Village”.
INVESTIMENTO
Esta operación está incluída na Liña de Actuación LA12 de “Modernización da Administración e Smart Village Ribeira” e que conta con:
Investimento total 100 %: 600.000 €
• FEDER 80 %: 480.000 €
• Concello de Ribeira 20%: 120.000 €
